Eteai pɛ ge ɠɛni zii woo ɠilagi wosu, ti ɠɛni ɓɔɛzu ga woo ɠilagi.
Ti zeɠeni ga folo ɠulazu ʋelei, ti nɛmɛ wola ɠila kaani Sineyaal yooi zu, miná ɠa ti zeini ná.
Ti ɠɛni ɓɔɠɔ ma: «Ade li, ade ɓilikiiti doɠa, ade ti ɠala abui zu.» Ɓilikii ɠɛni ti ʋɛ ga pɛlɛ lo kɔtui, ti ɗa sei ga managi.
Ti ɠɛni ɓɔɠɔ ma mɔnɔ: «Ade li, de taai ta lo ɓɔɠɔ ʋɛ, ta pɛlɛ ɠaaɠoozagi nii nɔungi a zei geei ʋa. Ade ɓɔɠɔ lɔɠɔ ɠula, naa ɠa a kɛ ade mina vaza zooi ɠa ná pɛ.»
Ɠɔoɠɔ GALAGI yeini taai ʋɛtɛsu ta pɛlɛ ɠaaɠoozagi, nii nuiti ti ɠɛni tosu.
Ɠɔoɠɔ GALAGI ɠɛni ma: «Wɛlɛ, ta ga zii ɠilagi nɔ, woo ɠilagi nɔ ɠa é ti-la. Ni ta tɔɔzeina ɠani, ani nɔpɛ ge la mɔ pele ɓesaga ti luɠɔ naa ɠɛɛ vai zu, nii a ɠɛ ti ɠisu.
Ade yei, de li, de ti-laawooi zupu, naa ɠa a kɛ, ti mina ɓɔɠɔ laawooiti mɛni.»
Ɠɔoɠɔ GALAGI ti zuvazani, ti maaɠooza ná ʋa, ti li eteai zu ná pɛ. Ti looɠoni taai lo fai ʋa.
Naa ɠa é kɛai taai naa laasei pɛai ga Ɓaɓɛle,*mazɔlɔɔ miná ɠa Ɠɔoɠɔ GALAGI eteai kpein gooi zupuai ná. Ná ɠa Ɠɔoɠɔ GALAGI ti zuvazani ná, ti li eteai zu ná kpein.
* Ɓaɓɛle:dasseigi nii ti maaɓuɠaai ʋa ta «faazupui».
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
