![Babel](../images/babel/babel.gif)
The Tower of Babel (Genesis 11: 1-9)
Cahuapana (Chayahuita)
Nisha nisha nananquë Yosëri anoninsoꞌ
- Pacon piquëran notohuaroꞌpiyapiꞌsa naꞌantapi. Naporoꞌyaꞌipiya aꞌna nananquësáchin nonpi.
- Piꞌi pipirinso parti quëran pipirahuatonaꞌ, Sinaro parti canquipi. Inaso noꞌpaꞌ, noyápiroꞌtëchin niꞌton, inaquë yaꞌhuëcaiso marëꞌquëparitopi.
- Aꞌna tahuëri inahua capini ninontatonaꞌ, napopi: “Huëco paꞌahuaꞌ, natëricho noꞌpa quëran nicatëhuaꞌ, aꞌpëahuaꞌ,” nitopi. Ina nisahuatonaꞌ, natëricho quëran naꞌpi yaꞌhuërënamën pëipi. Achinpitacaiso marëntaꞌ, toꞌni pochin nininquë achinpitopi. Siminto pochin nininso yaꞌhuërënamën, inaquë achinpitopi.
- Ina quëran ninontaantapi: “Huëco chiníquën cancantatëhuaꞌ, ninano ocoiaꞌahuaꞌ. Ina nisahuatëhuaꞌ, aꞌna torinta piꞌiroꞌtëquë huarëꞌnincaninso niahuaꞌ. Inapoatëhuaꞌ, sacóshin nahuinarihuaꞌ. Naporahuaton, co huachi itohua itohua yanquëcaso yaꞌhuaponhuëꞌ,” nitopi.
- Napopirinahuëꞌ, Sinioroso oꞌmarin. Oꞌmarahuaton ninanoꞌ, tori, inapita nisapiso niꞌquimarin.
- Niꞌquimarahuaton, yonquirin: “Isopitaso inaquësáchin yaꞌhuatonaꞌ, ina nananquësáchin nonpi niꞌton, nani caniaritopi sacatacaisoꞌ. Poꞌpachinara, co incari tëranta nanitarinhuë atananpitacasoꞌ.
- Napoaton acopitacaso marëꞌ, paꞌmatëhua nonpiso anishatahuaꞌ. Ama huachi ninatanacaiso marëhuëꞌ, napotahuaꞌ,” tënin.
- Inapotaton, Siniorori piyapiꞌsa itohua itohua ayanquëërin. Ninano nisapisonta aꞌporahuatonaꞌ, tananpitopi huachi.
- Inaquë chachin Siniorori, yaꞌipi piyapiꞌsa nonpiso anishatërin. Ina quëran chachin, yaꞌipi isoroꞌpaquë ayanquëërin. Napoaton ina ninanosoꞌ, Papiri * itopi.
*Papirisoꞌ: “Co ninatananpiquëhuëꞌ,” tapon naporin.
Source: YOSË NANAMËN. Porciones del Antiguo Testamento y el Nuevo Testamento de nuestro Señor Jesucristo en el idioma shahui (chayahuita)., Wycliffe Bible Translators, Inc. 2011.
Contributed by Wolfgang Kuhl
[top]
You can support this site by Buying Me A Coffee, and if you like what you see on this page, you can use the buttons below to share it with people you know.
![iVisa.com](https://ivisa.s3.amazonaws.com/affiliate/eng-generic-728x90-01.jpg)
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com
, Amazon.co.uk
and Amazon.fr
are affiliate links. This means I earn a commission if you click on any of them and buy something. So by clicking on these links you can help to support this site.
[top]