Mahiraino o hoana deʼ o berera manyawa o dunia yamode-modekika manga bahasa duga-duga kamoi, deʼ önanga yapake manga demo imakoketero.
Maöraha önanga yotagi-tagi o wange mahiwaroko, önanga i ma hiädono o Babilonia matonaka moi i rata-rataikaoka, daha gënangoka yö gogere.
Önanga imaketemo moi deʼ moika, ”Ika ngone hodiai o tonaka madoka-dokara deʼ haharongo hiädono i togowini.” Hoko gënanga önanga deʼ manga tela idadi otau mahelewo mahohol̄e deʼ o teri idadi manga tataulu.
Önanga imaketemo, ”Niaino ngone hohigoko o kota, de o gahumu moi o candi matubu hiädono o dihangil̄e, hupaya ngone kainäheto-hetongo deʼ uha hokerewoto o dunia yamode-modekika.”
Done ma Jou wouti mangale wölega o kota deʼ o candi ihi goko-goko o nyawa.
Daha Unanga wotemo, ”Neonanga nënanga kao hoana deʼ o berera moi, deʼ manga demo kamoi, deʼ nënanga daha madodihiraka toönanga manga hidailako. Itedekanokauaoli önanga aha yakunu yadiai okia dika toönanga manga mau-mau.
Iholoi yaoa Ngone houti deʼ haruae manga demo hupaya önanga moi deʼ moi imateke mangaratiokaua.”
Hoko gënanga ma Jou wähigerewotoönanga o dunia yamode-modekika. Daha önanga imatogumu ihigoko o kota gënanga.
Hababu gënanga o kota gënanga ihiromanga o Babel, karana gënangoka ma Jou waruae manga demo mata-mata o berera deʼ o hoana manyawa, deʼ gënangokadau onanga ma Jou wähigerewoto o dunia mata-mataika.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.