T'aring balay ga, qutux lamu nanak qu ke na squliq, mtnaq kkyalan kwara.
Trang mgzyuwaw tkari squ te htgan wagi qu lga ga, tehuk be'nux na Babilon, ru maki kya la.
Mkkayal qu lhga mha, “Sa! Aki ta smuling uraw, kbalay yan skitu na btunux.” Nanu yasa shaga nha ngasal qu uraw snuling, ru soman nha gloq ka trngil qu zyuwaw na uraw snuling.
Kmayal qu lga mha, “Sa! Aki ta kbalay qutux qalang, twangay ta kbalay wagiq na 'rkan tehuk squ kayal, teta pkwagiq lalu ta nanak, ru aki ta ini rpsan pgayang maki ana inu na cinbwanan.”
Babaw nasa, mbiyag Mrhuw Wagiq, mwah mita squ qalang ki 'rkan ka kinbalay na ssquliq qaniy.
Kmayal qu hiya mha, “Nyux msqun m'qutux gluw qu ssquliq qaniy, ru qutux ke skayal nha; nyux misan t'aring na', babaw nya ana nanu siyon nha ga pcyuwagun nha la.
Sa! hata 'mubu ke nha, aki ini pkbbaq mkayal.“
Nanu yasa, sgayang ni Mrhuw Wagiq musa maki ana inu na cinbwanan qu lhga, ru mhngaw kbalay qalang qasa qu lhga la.
Babilon* son nha qu qalang qaniy; baha hmswa s'ubu kya ni Mrhuw Wagiq qu ke na squliq, ru sgayang nya musa maki ana inu qu lhga.
*Babilon; lalu qaniy ga msobih squ ken a Heburu “s'ubu” qu hngiyang nya, blaq son mha “Babel” uziy.
Source: Sinsman Ke Utux Kayal Biru Na Tayal. The Tayal
Bible in Today’s Taiwan Tayal Version. The Bible Society in Taiwan, 2003.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
