The Tower of Babel (Genesis 11: 1-9)
Bribri
Skëköl tö s'ditsö ké ttök kua̱'ki̱ kua̱'ki̱
Kuaë ta̱ sulitane ttöke ttè etökocha ë̀ wa.
Mik ie'pa míyaldak diwö tskirke, e' ëka̱, demirak ka̱kkure kiè Sinar ee̱, eta̱ ee̱ ie'pa e̱' tsé̱a̱t se̱nuk.
Ká̱ et ta̱ ie'pa iché ñì a̱: “Mishkarak ska̱u̱chka yuök blok sù̱, e' kukuèsö bö' a̱ a̱s imi'a̱ darërëë u yuoie.” Es iwaka-newé̱rakitö ák skéie. Ñies kiöchka dalolo bötsböts ese wa ibatséra-kitö ì tso' shu̱tuule ese skéie.
E' ukuöki̱ ta̱ iskà chénerakitö ñì a̱: “Mishkarak ká̱ blublu yuök. E' shu̱a̱ u yuö̀sö ka̱kke̱ë döka̱ ká̱ jaì a̱. Es se' e̱' chö̀mi buaë këkëpa tai̱ë ena kë se' ka̱wöta̱ ñì blabatsök ká̱ wa'ñe.”
Erë Jehová e̱' éwa isa̱u̱krak tö ie'pa ká̱ blublue yueke ena u ka̱kke̱ë yuekerakitö.
Eta̱ ie' tö ibikeitsé: “Ie'pa dör ká̱ etkë̀ wak ena ittörak etkë̀ ñies, e' kue̱ki̱ ie'pa tö kanè i' kéka̱mi. E' ukuöki̱ ta̱ kë̀ ì a̱ ie'pa wöklönuk. Ie'pa se̱rmi we̱s ie'pa ki̱ ikiane es.
E' kue̱ki̱ sú̱yö ie'pa kè ttök kua̱'ki̱ kua̱'ki̱ a̱s kë̀ iñi ttö a̱nia̱.”
Es Jehová tö iblabatsérak ká̱ wa'ñe. Ee̱ ie'pa ká̱ yué e' kané wöpanere.
Ká̱ e' ki̱ Jehová tö ie'pa lé ttök kua̱'ki̱ kua̱'ki̱ ena iblabatsérakitö ká̱ wa'ñe. E' kue̱ki̱ ká̱ e' kinewa̱ Babel*.
* Babel : Hebreoie s'kiè e' wà kiane chè chilineka̱ .
Source: Porciones del Antiguo Testamento en Bribri de Costa Rica. Wycliffe Bible Translators Inc., 2010.
Contributed by Wolfgang Kuhl
Information about Bribri |
Tower of Babel
Tower of Babel in Chibchan languages
Bribri ,
Teribe
Other Tower of Babel translations
By language |
By language family
[top ]
Why not share this page:
If you like this site and find it useful, you can support it by making a donation via PayPal or Patreon , or by contributing in other ways . Omniglot is how I make my living.
Note : all links on this site to Amazon.com Amazon.co.uk Amazon.fr
If you're looking for home or car insurance in the UK, why not try Policy Expert ?
[top ]
