Usa 'ain ka a nëtëkaman bëtsi bëtsi banan uni banatisamapan 'ain a menu 'ikë unikamax achúshi banáinshi banakëxa.
Usai 'i ka auküaxa bari urukë a menu uni chikíkiani 'ura kuankin me barikin Sinar kakë amia mërakëxa, mërakin ka me sapan upí anubi tsótisa mërantankëx anubi tsóti bërukankëxa.
Achúshi nëtën ka atúxbi timẽax kanankëxa: Usa 'ain ka a unikaman maxáx 'imainun tsëpasa n̄u akama 'akinma Ladrillo 'imainun asfalto akama kën̄un aín xubukama 'akëxa.
Usai kitankëx ka amiribishi kanantëkënkankëxa: Achúshi ëma chaiira 'anan kananauna torre ënën menma uarukin chaiorukin naíbëtan sënën 'ati 'ain. Usakin 'aia iskin ka bëtsi unikaman sinánti 'ikën a unikamax ka sinánn̄uira 'ianan kushiirabu 'ikën kiax ka kiti 'ikën, usa 'ain kananuna nukamax bëtsi mekamanu kuaní abístima 'ain
Aínbi ka Nukën 'Ibun usakian ëma 'imainun torre unikaman ënën menma chaiorukin 'akë a ubuxun isakëxa.
Ësokin unikaman 'akëbëtan ka Diosan sinánkëxa: Atux ka achúshi ëma chaiira 'anan achúshi baáinshi banaia; usa 'ixun ka ënë n̄u mëëti 'ati siánxun 'aia, bërí ka uínbi ëmitisama 'inun 'aia
Usa 'ain ka Nukën 'Ibu Diosan atun n̄u 'aia istisatankëx kiakëxa, bëtsi bëtsi banan bananun kananuna uni 'imiti 'ain, usai 'i ka bëtsin kakëxunbi bëtsin bana kuakámati bënëti 'ikën.
Usakian Nukën 'Ibun 'imikëx kamabi neu kuani abískin ka atúan 'akë ëma a ënkankëxa.
A menuxun ka Nukën 'Ibun achúshi banáinshi banaiabi unikama bëtsi bëtsi bana bananun 'imiakëxa, kamabi mekamanu kuania amanu amanu kuantanun, usokëx ka mekama oi amanu amanu kuani abísakëxa. Usokian anuxun Nukën 'Ibu Diosan uni bëtsi bëtsi banan banamikë kupín ka Babel kakin anëakëxa.
Source: Nukën 'Ibu Diosan ain unikama 'inan ain bana. The Bible in Cashibo-Cacataibo. Wycliffe Bible Translators, Inc. , 2011.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
