Pampeet cho q'iij, re' taqe tinamit xa jinaj naq wach chi q'orik kiq'orik wii'.
Eh xponik i q'iij noq xiooj k'oloq chi korkiil reje i nelik cho wii' q'iij, ar xkireq jinaj i runimaal k'ixkaab' paruyuq'ul i Sinar, eh ar xi okik chi patinik.
Eh pan jinaj q'iij je' wili i xkiq'or chikiwach: Kim taq qayejaa' taq i xaan neenqak'at ruuk' q'aaq', inki taqe. Re' i xaan re' re' xkamanik keh reh i tz'aq, eh wilik i je' q'ool xkireq panak'al xkamanik keh chi chopb'al riib' taqe xaan.
Chi riij i re', je' wili i xkiq'or chikiwach: Yu'naak naaqayejaam jino'q i tinamit, eh nee wo' inqayejaa' jino'q tz'aq' xiik' naah najtiil naah. Chi je' re', neenkiq'or chi wilik qana'ojb'al, xa jinaj nee qoh wihik wii' ma' ruman ta chi neenqapuhkaaj qiib' chinaah i wach ak'al, inki taqe.
Eh re' QaJaaw Dios xqajik chaloq chi rilariik i tinamit, eh noq xrilow chi k'ahchi' kiyejaam jinaj i tinamit, eh chi k'ahchi' kiyejaam jinaj inajt naah tz'aq.
Re' QaJaaw Dios je' wili xuq'or: Re' tinamit xa jinaj wach kik'ux, eh xa jinaj wo' wach chi q'orik kiq'orik wii'. Ruum aj re', xkitoq'aa' rub'aan i kamanik wili, eh yu'naak ma' awach ta chik jino'q neenq'ilwik keh chub'aan.
Je' re' noq, ma' xta reet chi neenqayoj wach i kiq'oral kiq'orik wii', re' chi ma' nee ta chik inkireq chi riij chib'ih i neenkiq'or chikiwach, inki.
Re' QaJaaw Dios xupuhkaaj taqe i tinamit re' re' chinaah chu'nchel i wach ak'al. Eh re' keh xkikanaa' ruyejeb'jiik i tinamit re' re'.
Re' QaJaaw Dios chupaam i ye'aab' re' re' xuyoj wach i kiq'oral chu'nchel i tinamit wach ak'al. Eh ar wo' xupuhkaaj taqe reje chinaah i wach ak'al. Ruum aj re', re' tinamit xkiyejaa' naq re' re', Babel i rub'ihnaal xkahnik.
Source: The Bible in Eastern Pokomchi. Bible Society of Guatemala, 2009.
Contributed by Wolfgang Kuhl
Poqomchi' is a Mayan language spoken in Baja Verapaz in Guatemala by about 90,000 people.
It is also known as Eastern Pokomchí, Pocomchí, Poconchí, Pokonchí and Tactic Pokomchí.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
If you're looking for home or car insurance in the UK, why not try Policy Expert?
