Ti' le kiino'obo' tuláacal yóokolcaabe' cu t'anic ca'ach chéen jun p'éelili' t'aan.
Le ca j jóoko'ob te j lakin lu'umo', tu nuptáantajo'ob jun p'éel táax cúuchil tu lu'umil Sinar, ti' j p'áato'ob cajtal te'elo'
Jun p'éel kiine' tu ya'alajo'ob tu baatzilo'ob: Co'ox beetic ladrillo'ob c dzu'uyquintico'ob yéetel káak. Bey túuno' meyajnaj ti'ob bey tuunichil le ladrillo'ob, yéetel asfalto bey bokoltbil luuke.
Cu dzo'ocole' tu ya'alajo'ob: Nadzaba'ex, co'ox beetic jun p'éel noj caaj yéetel jun p'éel x witzil naj, ca kuchuc tac ca'an. Bey túuno' yaan u yantal ba'ax o'olal c ka'ajsa'al, u ti'al xan ma' u yantal ba'ax o'olal ki'itpajal yóok lu'um.
Ba'ale' Yuumtzile' j éem u yil le noj caaj bey le x witzil naj cu beetico'ob ca'ach le wíinico'obo',
ca tu tucultaj: Leti'obe' chéen jun p'éelili' caaj, chéen xan jun p'éelili' u t'aano'ob; let o'olal dzo'oc u chunico'ob le meyaja', bejela'a' túune' ti'olal mix ba'al bíin beetic u p'atico'ob.
Utz yanil wa ca éemeco'on u ti'al ca c xa'akbes u t'aano'ob, u ti'al ma' u na'aticuba'ob.
Bey túun úuchic u ki'itbesa'alo'ob tu yóokol lu'um tumen Yuumtzil, ca tu p'atajo'ob u beetico'ob le noj caajo'.
Te j cúuchilo' Yuumtzile' tu xa'akbesaj u t'aano'ob tuláacal u cajnáalilo'ob lu'um, ti' líikbal u ki'itpajlo'ob ti' tuláacal yóokolcaab. Let o'olal tu kaaba'intaj Babel le noj caajo'
Source: Biblia Maya. Bible Society of Mexico, 1992.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
If you're looking for home or car insurance in the UK, why not try Policy Expert?