Qaq se’eso na’a’q ‘eeta’a’t naua l’aqtaqa ‘enauac na shiỹaxauapi mayi huetalec ana ‘alhua.
Qaq co’ollaq qaỹachigoqchiguiña so ‘alhua mayi pa’aigue da nala‘ lliguishiguem, qaq mashi qaỹanata so nalochiguiñi ‘alhua huaigui yi l’enaxat Sinar.
Huo’o so na’a’q, nachi ‘detaxaỹapega’t somayipi, nachi ‘enapeco‘: * So’otaq qome na losoc. Ime, qaq ñaqatelaq, sauoqta’a nodec. Huaña, qaq somayipi do’onataxana na losoc, nmenguet naq’en na coma’. Qataq na ’ico qo’ipag lcha’q nmenguet naq’en na chochi qaỹalecna’t nshaxa.
Ime,, qaq ’enapeco’ somayipi: * Ña qauanaqui, ñi’oxonashiguem ca qadma’pi, qataq ac qadaue ivido’ot na piguem. Yaqto’ qomi’ ỹi’oxoda’q, qataq yaqto’ sa ishit da ñilagaxataxalec ’enauac ana ’alhua.
Qalaxayi ñi qataxala’ huenoteec da imeten so noỹicpi qataq aso naue mayi n’oxootapiguishiguem so shiỹaxauapi.
Qaq deuennataxan, nachi ’enapeco’ * Namayipi maichi nhuo’ l’ecpi, qataq ’eeta’a’t naua l’ataqa, qaq mashi sogote da do’onataxaatac namayipi; qaq nagui, yi’oqta da qaica ca ishit da ỹaxaañi de’eda qai’ottac.
’Onaxaic da senotaxauec da seỹotaqpecachi na l’aqtac, yaqto’ sa ishit da huo’o ca hua’axaỹ ca lỹa.
Qaq ’eda da ’eetec ñi qadataxala‘ da ilagaxajlec ana ‘alhua ’enauac somayipi. Huaña, nachi ỹaxaañi da n’oxooshiguem na lma’pi.
Qaq se’eso ’alhua nachi huaña naq’en ñi qadataxala’ co’ollaq iỹodapecachi na l’aqtac ’enauac so shiỹaxauapi mayi netalec ana ’alhua. Huaña, qaq nlagaxajlec naq’en ’enauac ana ’alhua. Ỹoqo’oyi se’eso ’alhua nachi qaỹamata’ac da l’enaxat Babel.
Source: L’aqtaqa ñi i’otapecna. So hua’auchiguiñi aỹamaxataxac mayi chigoqo’ot ñi i’otapecna. El Antiguo Testamento Corto en Toba. Asociación Sociedad Bíblica Argentina, Buenos Aires, 1993.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
