E jeng yane, hâ lêm bemât jey mwa há sè hining zɔng.
Jeng de bemat o ba kyě gwɔsɔ e rwa rak, ko yɛn a wɔ̀ sɛ̀ byel hwak e vwêl Babilɔnya, yɛn a sangal e hwomo.
Ko yɛn a ha na bemɛn, ba ye, “Vey in, na wot yong bagat bwos, wot ráng vɛ naka.” Yɛn a ra fwom na bagat bwos e tô beta, na kwolta e tô bwos.
Ko yɛn a ye, “Tik na wot a lɔk a bato mot repomo, na wot a lɔk gwotyɔ̌n gwolwis de gwô wɔ wul larwak! Ano de wot e bin sɛ̀ reza. Lɔ́k hemo hê wuna hot, yaga na wot kwon shara hot kpɛɛ e jey mwa wɛt.”
Dagwi Darwey a gyirik, na a di repomo mo tanga gwotyɔ̌n gwolwis de bemat o ba ga lɔk.
Ko a ye, “Hàa! Yɛn a sé regyɛng bemat vining, mwa hɛn lem mɛn hining. Ko di, yerê pyɛ de ba pɛrɛ yɛ! E ngamo nuyel, vit a pyɛ de yɛn e simo ra de yê dal ɛn!
Tik na wot gyirik, wot suk balem mɛn, yaga na yɛn a bin dun pyɛ de bê ha e tē mɛn.”
Ano de Dagwi Darwey a shara hɛn kagwa e neyɛnɛ̂ jêy mwa, ko fwôm lɔk o gwa tumal.
Yaga ano, ba yila kwɔn o, à Babilɔn, yaga e hwomo de Dagwi Darwey a suk balêm mwâ bemat. Yi e hwomo kwong de a shara hɛn kagwa e neyɛnɛ̂ jêy mwa.
11.9: Babilɔn: E lêm Belbrani rezâ Babilɔn ra sé bagat na retîn ha “suk”.
Source: Bwok-basa Dagwi wuna-na-sira roso tanga pas. Nigeria Bible Translation Trust and Wycliffe Bible Translators, Inc. in cooperation with Berom Language and Translation Board – 2009.
Berom is an Atlantic-Congo language spoken in Plateau State in central Nigeria.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
