Momonanyo to bansa-bansa songko-songko i dunia aiya ola sa'angu' na basa' ka' basa' nu aha pokakana.
Tempo'nyo aha nambamo nolalin i sasu kabete'an, aha tinokamo i sa'angu' na bangka'nyo nu Babilonia, lantas jinojoongmo ikiijo' mae.
Aha binasale'mo samian ka' samian, “Imbo' da kita mombau batu tela ka' opapui sampe mokuut.” Sumo aitu na aha binapikin sahingga kino batu telamo da bau laigan ka' ter bau pongkampitnyo.
Koonyo nu aha, “Imbo' da kita mompotinjo kota tiba sa'angu' na menara anu tuu'nyo toka i langit, da kita talasanggo ka' madi' moga'a-ga'at i songko-songko na dunia.”
Sahingga nintau'mo mae na Tumpu nontoa kota ka' menara anu pinotinjomo nu manusia.
Lantas Ia notataemo, “Aha aiya sa'angu' na bansa ka' sa'angu' na basa', ka' aiya sala'je tampu'unan nyo na tanga'an nu aha. Madi'mo pin aha moko alamo mombau maumo pa' apaa na nukahanda'i nu aha.
Sahanyo Kita mintatau'mo ka' mompotabuntala' basa' nu aha da aha madi'mo mopaha sumbu' sisik samian ka' samian.”
Sumo aijo' na Tumpu nongga'a-ga'atakon aha namba i songko-songko na dunia. Lantas aha madi'mo nompotinjo kota aijo'.
Kalana aijo', kota aijo' sinanggohanmo Babel, kalana ikiijo' Tumpu nompotabuntala'mo basa' nu aha iwi-iwi' na basa', ka' lengkat ikiijo' aha gina'a-ga'atakonmo nu Tumpu nobagi-bagimo namba i songko-songko na dunia.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
