Jare jeta wae reta yuraa warasɨ oë wae kotɨ. Jare yuraa uwäe reta yawe pëti ɨwɨ ipe tuicha wae Sinar jee wae pe, uñemɨëta reta joko pe.
Joko wi uñemɨkɨrëɨ reta jare jei reta iyupe: “Yayapo jeta ladriyo jare yamboyɨ tata pe,” jei reta. Jare uiporu reta ladriyo ita ipepɨka pe. Jare uiporu ɨwɨñau jü wae ipomoete wae “brea” jee wae mezcla ipepɨka pe.
Jare jei reta iyupe: “Añawe yaparawɨkɨ yayapo waerä yanemaerä pëti tëta wasu jare pëti tëta ɨwatete wae oo ara re oya wae. Jare yayapo ñanereräkua waerä jare awɨye ñañemɨái waerä opaete ɨwɨ rupi,” jei reta.
Jayawe Tumpa uweyɨ ou umae waerä jokua tëta wasu re jare jokua tëta ɨwatete wae uyapo yureko reta wae re.
Joko wi Tumpa oo yewɨ ara pe jare jei: “¡Mase! Kua kuimbae reta jaeramo umbɨpɨ uparawɨkɨ ñonoï jare jeta mbaembae uyapo ma reta, echa’ä uyeyapo ñonoï pëti ramiño jare uyemɨngeta reta pëti ñee peño ramo. Jayawe ɨmambaeño ipuereta tëi opa uyapo reta opaete mbaembae ipɨayemɨngeta jese wae,” jei.
Jayawe Tumpa jei: “Yaweyɨ ye yambɨambɨe iñee chuwi reta awɨye pëti pëti wae uikuaa waerä japicha jei wae,” jei.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.