Di mulana hum sada do hata ni angka jolma na di tano on, jana sarupa do hata ni halahi sude.
Di na mardalan halahi mamolus-molus di sabola Habincaran, lalu ma halahi tu tano na hornop di Babilonia. Lalu disi ma halahi maringanan.
Marsidokkonan ma halahi na sada tu donganna, “Tole ma tabaen batu bata, tatutung ma i lopus pir.” Songon i ma dalanna gabe adong batu bata di halahi sipakeon laho pajongjong bangunan dohot na gabe sipakeon laho palohotkonsa.
Didok halahi ma, “Tabaen ma sada kota dohot sada tugu lopus tu langit puncutna, anso tarbonggal goarta sandiri jana anso ulang marserak hita di tano on.”
Jadi mijur ma Tuhan laho mangaligi kota dohot tugu na nipajongjong ni jolma i.
Jadi didok Ia ma, “Sisada bangso dohot sisada hata do halak on, jana on dope parmulaan ni angka tahi ni halahi. Anggo pola tongkin nari tarbaen halahi ma sanga aha giot ni halahi.
Dumenggan ma mijur Hita jana Tapasarsar ma hata ni halahi anso ulang be marsiastuan hata ni halahi be.”
Songon i ma panyarsar ni Tuhan di halahi di tano on sude, jana mantak ma halahi na pajongjong kota i.
Dibaen ma goar ni kota i Babel, harana disi ma disegohon Tuhan hata ni sude bangso, jana sian i ma halahi marsitondong dalanna be tu sude portibi on.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
