To, sososo na, durnya to be basa kikɛ daa kɔ ŋgbar koŋwule nna nsaa malga kamalga koŋwule.
Basa daŋ sɔ epeŋipetekpa nna a yɔ nseŋ ya tu kaboŋ fultoso ko ashi Babilɔn be efuli so n ta ndoŋ ŋ ki bumo be kade.
Kumo be kaman nɛ b kaŋɛ abar: “Men shin nɛ an kuya ebirkesi n ta amo n tɔ edɛ to nɛ a ki kpakpa.” Amoso ebirkesi nɛ b daa ta a pɔr, mannɛ ajembu, nsaa ta kootal a pɛ amo a mata abar.
Kede be kaman nɛ b kaŋɛ le: “Naniere bre men shin nɛ an pɔr kadegboŋ n sa anyi be amu nseŋ pɔr ketempreŋ jeŋgreŋ n ya chute awɔlpa, saŋɛ na so, anyi be ketre beeŋ dii nɛ anyi maaŋ naŋ pesaŋ to a wɔ kasawule so kikɛ.”
Ndoŋ nna nɛ Enyɛnpe Ebɔrɛ ba wu kadegboŋ na nɛ ketempreŋ jeŋgreŋ nɛ basa na daa pɔr na
nseŋ kaŋɛ le: “Ŋkpal basa ere ka la basa koŋwule a gbar ŋgbar koŋwule nseŋ fara a wora kusɔ nɛ baa wora ere, kumo ere kusɔ kama nɛ baa fɛ kewora, baaŋ tiŋ n wora kumo.
Amoso men shin nɛ an yɔ n ya wea bumo be ŋgbar na to, saŋɛ na so b maaŋ naa nu abar be ŋgbar.”
Loŋ nɛ Enyɛnpe Ebɔrɛ na daŋ wora n shin nɛ b pesaŋ to n sɔ kasawule so kikɛ nseŋ yige kadegboŋ na nɛ ketempreŋ jeŋgreŋ nɛ b daa pɔr na be kepɔr.
Loŋ be kade na nɛ b daa tre Babilɔn, ŋkpal manɛ so, ndoŋ nɛ Enyɛnpe Ebɔrɛ na daŋ wea basa kikɛ be ŋgbar to nseŋ pesaŋ bumo to nɛ b sɔ kasawule so kikɛ
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
