N deema yellu handunia kpuro sɔɔ, barum tema ba ra gere mam mam.
Ma ba seewa ba doona saa sɔ̃ɔ yari yerun di ba batuma deema Sinɛan temɔ ma ba sin yeru kua mi.
Yera ba geruna ba nɛɛ, too, i de su biriki mura su ye wɔ̃ yu gbera. Ma ba ka biriki ye bana kua yèn sɔ̃ ba ǹ kpenu mɔ. Ma ba kɔntaa kua ben simaa.
Ba kpam nɛɛ, i de su wuu swĩi kpa su gidambisa bani yèn wii kpiira koo wɔllu girari, kpa su yĩsiru yari kpa su ku yarina handunia kpuro sɔɔ.
Yera Yinni Gusunɔ u sarama u ka wuu ge ka gidambisa ye mɛɛri ye tɔmba banimɔ mi.
Ma u nɛɛ, be wee, ba sãa bwese teeru ba maa barum tem gerumɔ ma ba bwisika bu yeni ko. Saa tɛ̃n di gãanu kun bu yinarimɔ bu ka ko ye ba bwisika kpuro.
Yen sɔ̃, kon sara n da n ben barum burisina kpa bu ku maa nɔɔsina.
Yera Yinni Gusunɔ u bu yarinasia n toma min di, ba wuu gen bana deri ba da ba pusa tem kpuro sɔɔ.
Yen sɔ̃na ba wuu ge soka Babɛli, domi miya Yinni Gusunɔ u barum burisina. Min diya u maa tɔmbu kpuro yarinasia ba pusa handunia kpuro sɔɔ.
Source: The Bible in Bariba Language. Bible Society of Benin, 1996.
Contributed by Wolfgang Kuhl
Bariba is a member of the Gur branch of Niger-Congo languages
spoken in Benin and Nigeria by about 560,000 people.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
