Babel

The Tower of Babel (Genesis 11: 1-9)

Bikol

Kan panahon na iyan saro sana an tataramon sa bilog na kinaban asin saro sana man an magña tataramon.
Asin nangyari na, huli ta naghale sinda sa siragñan, nakanompong sinda nin sarong kapantayan sa daga ni Shimar, asin sinda nagñagererok duman.
Asin sominabi an iba duman sa iba: Tara gomibo kita nin ladrillo asin lotoon ta sa kalayo. Asin guinamit nindang kasalihid an ladrillo kan gapo, asin an betun iyo an guinamit na mezcla.
Asin sinda nagsarabi: Tara, maguibo kita sa sato nin sarong banuaan asin sarong halangkao na torre, na an saiyang alitoktok somokdo sa lagñit; asin ta mabantog an satuyang gñaran; kun sa halimbaua kita makauarak sa ibabao kan bilog na kinaban.
Asin hominilig si Jehova ta mahiling kann banuaan asin kan torre na pinagpapatindog kan magña aki kan magña tauo.
Asin sominabi si Jehova: Uya an banuaan saro sana, asin in gabos iguang sarong tataramon: asin nagporoon nin pagguibo, asin dai mayong makakapasibog sa sainda kan saindang inisip na guibohon.
Gñonian nangad, mahilig kita, asin ta lalaglagon ta an saindang magña tataramon, ta gñaning dai mayong makasabot kan tataramon kan saiyang kaibahan.
Siring na siniriblag sinda ni Jehova paghale duman sa ibabao kan bilog na kinaban, asin binayaan ninda an pagguibo kann banuaan.
Kaya gñani inapod an gñaran niyang Babel, huli ta duman pinagriribong ni Jehova an tataramon kan bilog na kinaban, asin magpoon duman isiniriblag sinda sa ibabao kan bilog na kinaban.

Source: Magna Banal Na Kasuratan Na Iyo An Daan Asin An Bagong Tipan Na Binicol. Bicol Bible. Philippine Bible Society, 1978.

Contributed by Wolfgang Kuhl