Ngane e huriki na malala ri tahoka a nita i taku ri vata vona.
Ri mariu lakea na nirikena haro ri matavisia a bilane Sinar, ri made vona.
Muri ri vata, ri ta maea, "Mu valai, si gi pipi, si gi rata kamumu a brik,* si gi gutu kamumu, ri gi tora." I uka ma ri bole a kedo, ri bole a brik. Muri ri hudo na kasita a brik.
Muri ri ta maea, "Mu valai, si gi haea a vuhutanga ne hita. Ge pesi vona tara roho dagi, a mapana ge padoi a hunu, bara si tahoka a rane hita vona. Si gi made tata, i uka ma si gi mariu viliha lae na malala."
Pali e BAKOVI DAGI i puru valai, ge kasisia a tanga dagi turana a mapana roho dagi e huriki a bakovi ri haea.
Lakea e BAKOVI DAGI i ta maea, "Re huriki nga ri pesi taku, ri tahoka a nita i taku ri vakatubu ni haea a mapana roho, pali a ra maki ri luhoi ni rata, bara ri rata kunana.
Te ge puru te ge vakavaroru a nitane ria, i uka ma ri gi valongokilala a ngava."
Lakea, e BAKOVI DAGI i kalipida ria vonga, ri mariu viliha lae na malala, i uka ma ri hae tabua a vuhutanga iea.
Ni gale a vuhutanga iea e Babel†, a vuhuna e BAKOVI DAGI i vakavilihea a nitane huriki na malala. I vakatubu vonga, e BAKOVI DAGI i vakalipida ria, i vakamariu viliha lae ria, ri lakea na robo lobo na malala.
*A brik ni rata na taka turana a varili.
†E Babel na nita Hibru i manga e 'varoru.'
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.