Dha'-adha'na manossa e dunnya reya pera' andhi' settong basa sarta padha oca'na.
E bakto reng-oreng jareya alalana ka temor, laju napa' ka settong tana e Babilonia, tana jareya laju ekennengnge.
E settong are reng-oreng jareya ngoca' kantha reya, "Mara ja' agabaya bata, pas obbar pagali." Reng-oreng jareya pas agabay bata, ekagabaya bengko, sarta agabay etter se egabay panyekka'na to-bato jareya.
Ca'na reng-oreng jareya pole, "Sateya mara ja' maddegga kottha, pobuwi manara se tenggina napa' ka langnge', sopaja sengko' ban ba'na bisa'a kasohor ban ta' sa-tapesa pole e bume reya."
PANGERAN toron ngoladi kottha ban manara gabayanna manossa jareya,
pas adhabu, "Reng-oreng reya asalla dhari settong bangsa se pera' ngangguy settong basa; areya coma parmola'anna sabarang se bakal elakonana reng-oreng jareya. Ta' saapa pole abidda reng-oreng jareya bakal bisa'a ngalakone apa'a bai se ekaterrowe.
Daddi mara ja' torona, basana reng-oreng jareya pasalbut sampe' oreng se settong ta' ngarte ka cacana oreng settonga."
Daddi bi' PANGERAN reng-oreng jareya epasalebbudan ka saantero bume. Se maddek kottha ta' epaterros.
Jareya sababba arapa kottha jareya me' sampe' sateya enyamae Babil, sabab e jadhiya PANGERAN masalbut basana manossa, ban dhari jadhiya sa-bangsa padha asalebbudan ka sabingkerra bume.
Source: Kadaddiyan (Genesis). The Bible in Madurese language.
Lembaga Alkitab Indonesia. Indonesian Bible Society, 1984.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.