Na chaampunan na takù mansisiyanan, osa kan ukud wi usaroncha.
Ummad-adchuwancha pun, tinaynanchan filig wi Ararat ad ummoycha nangkagkagkaay ingkanà chummatongcha ta arwaarway luta wi Babylonia, ad sachin finumroyancha.
Ad nan-uukudcha, “Choo, mangwataù pità isù haloblak, ad inututau ta umamnut.” Siyan nangwachà isù haloblak à kaofonchà foforoycha, ya ispartù mang i paot nu tupingoncha.
Ad anancha, “Ach i tau pu miwartà. Chakrontaun ili, ad kaofontaun atànangani foroy à michaum ad langit, ta chayawon na losani mangilà chitauy nangwa.”
Ad na nangwaancha, nan-osog à Apudyus wi ummoyna inilan oyyoonchay ili ya tànangani foroy,
ad anana, “Amaschiyon na anchanayay taku tan nantitimpuyugcha, ya osa kan ukudcha. Siyan lukin na mangwaancha ta sinumani pioncha!
Inta mansabsafaliyon na inyùukudcha ta achicha pu man-asiinnawat.”
Ad nàwa, tan achi pun na taku nan-asiinnawat, siyan iwwarangchay nangkaob à chakor wi ili, ad iwwartà Apudyus chichi ta arutaruta.
Ad nanipud ta sachi, nangchanan na sachi ilì Babel, tan sachin nanabsafaliyan Apudyus ta inyùukud na taku ta achicha pu man-asiinnawat, ad sachin nangipaligwatan Apudyus an chicha ta miwartàcha ta arutaruta.
Source: Genesis in Southern Kalinga. New York International Bible Society Publishers, 1981.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
