E diyakindi, o bâ-ba tamwakidi o mbuhwa, ka bâ-ba duwa unhanjiboka o ehe ya Shainar; ka bâ-ba diya omĕ.
Ka bâ-ba kala upâkwĕ n‘ upâkwĕ, na, Okani, ho hanemi brik, na hwĕ-hwa tumba beâ bwamu. Brik be diyakindi mabâdâ o bâ-ba jadi.
Ka bâ-ba vâ, na, Okani, ho long-kiyeni hwĕ mĕtĕ mboka enĕnĕ, na elongo ya hâkâ ’aju e didi e kâbâkidĕ oba, na hwĕ-bwa ha hwĕ dina, o banga hwa vanjangana o ibati ja he yĕhĕpi.
Ka Jĕhova a huba ka yĕnĕ mboka tĕ enĕnĕ, na elongo yĕ ya bana ba bato e longakidi.
Ka Jĕhova a vâ, na Umbwaki-yate, bato ba te umbâkâ, na bâ bĕhĕpi ba te ’tomba yâkâ; na ekae ndi eabu e yalidĕ o ha; o ’bĕ na elombo e ka himbidĕ bâ nyang‘ ’abu e vahakĕ o ha.
Okani, ho hubakeni ka jukĕ ukalo muabu, ovanĕ nd‘ o bâ-ba ka mĕndĕ bâ yokane pĕ ukalo.
Ka Jĕhova a vanjanganĕ bâ oviya omĕ, o boho bwa he bwĕhĕpi; ka bâ-ba dika ilonga ja mboka tĕ enĕnĕ.
Ovanĕ nd‘ o dina jaju i tubakwĕ, na, Bebal; ikabojana omĕ nd‘ o Jĕhova a jukakidĕ ukalo mua he yĕhĕpi: ka oviya omĕ Jĕhova a vanjanganĕ bâ o boho bwa he bwĕ-hĕpi.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
