Misava hinkwayo yi hambeta yi vulavula ririmi rin'we ni ku va ni ntlawa wun'we wa marito.
Kuteloko va ye etlhelweni ra le vuxeni, va hetelela va kuma rivala etikweni ra Xinara, va tshama kona.
Kutani va byelana, va ku: "Tanani! A hi bakeni switina hi swi hisa." Kutani va tirhisa switina ematshan'weni ya ribye, ni nhlaka ematshan'weni ya ndzhope.
Kutani va ku: "Tanani! A hi tiakeleni muti ni xihondzo lexi nhlohlorhi ya xona yi nga ta fika ematilweni, naswona a hi tiendleleni vito ra ndhuma, hikuva hi nga tshuka hi hangalasiwa ehenhla ka vuandlalo bya misava hinkwayo."
Kutani Yehovha a rhelela ku ya vona muti ni xihondzo lexi vana va vanhu va xi akeke.
Endzhaku ka sweswo Yehovha a ku: "Waswivo! I vanhu van'we naswona hinkwavo va vulavula ririmi rin'we, kutani va sungula ku endla leswi. Phela, sweswi ku hava lexi nga va tsandzaka loko vo anakanya ku xi endla.
Tana sweswi! A hi rhelele hi fika hi pfilunganya ririmi ra vona leswaku va nga twisisani loko va vulavula."
Ku suka kwalaho Yehovha a va hangalasela ehenhla ka vuandlalo bya misava hinkwayo, kutani hakatsongotsongo va tshika ku aka muti.
Hi yona mhaka leyi wu thyiweke vito ra Babele, hikuva Yehovha u pfilunganye kwalaho ririmi ra misava hikwayo, naswona ku suka kwalaho Yehovha u va hangalasele ehenhla ka vuandlalo bya misava hinkwayo.
From: Vuhundzuluxeri Bya Misava Leyintshwa Bya Matsalwa Yo Kwetsima
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
