Joale lefatše lohle la tsoela pele le e-na le puo e le ’ngoe le pokello e le ’ngoe ea mantsoe.
Eitse ha ba le leetong le eang nǵ’a bochabela ba qetella ba fumane thota naheng ea Shinare, ’me ba lula teng.
Eaba ba qala ho buisana, ba re: “Tloong! A re etseng litene ’me re li bese ka ho li chesa.” Kahoo setene ea e-ba lejoe la bona, empa sekontiri se thata ea e-ba seretse sa bona.
Joale ba re: “Tloong! A re ikaheleng motse le tora eo tlhōrō ea eona e leng maholimong, ’me re iketsetseng lebitso le tummeng, esere ra hasanngoa lefatšeng lohle.”
Jehova a theoha ho ea bona motse le tora eo bara ba batho ba e hahileng.
Ka mor’a moo Jehova a re: “Bonang! Ke sechaba se le seng ebile bohle ba na le puo e le ’ngoe, ’me sena ke seo ba qalang ho se etsa. Joale ha ho letho leo ba ka hopolang ho le etsa leo ba ke keng ba le fihlela.
Tloong joale! A re theoheng ’me re ferekanye puo ea bona e le hore e mong a se ke a utloa puo ea e mong.”
Tumellanong le hoo Jehova a ba hasanya lefatšeng lohle ho tloha moo, ’me butle-butle ba tlohela ho haha motse.
Ke ka lebaka leo o rehiloeng lebitso la Babele, kahobane Jehova o ile a ferekanya puo ea lefatše lohle moo, ’me Jehova a ba hasanya lefatšeng lohle ho tloha moo.
If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.
Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.
