The Tower of Babel (Genesis 11: 1-9)

Lingala

1. Bongo mabele mobimba ezalaki na monɔkɔ kaka moko mpe maloba kaka ndenge moko.
2. Mpe esalemaki boye: ntango bazalaki kosala mobembo epai ya ɛsti, nsukansuka bamonaki lobwaku moko ya patatalu na mokili ya Shinare, mpe babandaki kofanda wana.
3. Mpe babandaki kolobana ete: “Yaká! Tósala babriki mpe tótumba yango na mɔtɔ.” Boye mabanga na bango nde briki, kasi pɔtɔpɔtɔ na bango nde gudrɔ.
4. Bongo balobaki ete: “Yaká! Tómitongela engumba mpe lisusu ndako molai oyo nsɔngɛ na yango ekei tii na likoló, mpe tómisalela nkombo ya lokumu, noki tópalangana na mabele mobimba.”
5. Mpe Yehova akitaki mpo na kotala engumba mpe ndako molai oyo bana ya bato batongaki.
6. Nsima na yango, Yehova alobaki ete: “Talá! Bazali kaka ekólo moko mpe bango nyonso bazali monɔkɔ kaka moko, mpe talá oyo babandi kosala. Sikoyo, ezali na eloko moko te oyo bakokanisa kosala, oyo bakokokisa te.
7. Sikoyo yaká! Tókita kuna mpe tóbulunganisa monɔkɔ na bango mpo ete moko te akoka koyoka monɔkɔ ya mosusu.”
8. Bongo Yehova apalanganisaki bango uta na esika yango tii na mabele mobimba, mpe nsukansuka batikaki kotonga engumba yango.
9. Yango wana babengaki yango nkombo Babele, mpamba te kuna Yehova abulunganisaki monɔkɔ ya mabele mobimba, mpe Yehova apalanganisaki bango longwa na esika wana tii na mabele mobimba.

From: Biblia - Libongoli ya Mokili ya Sika

[top]

---

Why not share this page:

Learn languages for free on Duolingo

 

If you like this site and find it useful, you can support it by making a donation via PayPal or Patreon, or by contributing in other ways. Omniglot is how I make my living.

 

Note: all links on this site to Amazon.com, Amazon.co.uk and Amazon.fr are affiliate links. This means I earn a commission if you click on any of them and buy something. So by clicking on these links you can help to support this site.

[top]